“Normaliteti i ri:” Frangu pritet të forcohet më tej kundrejt euros

Frangu sërish më i vlefshëm se Euro

 

Ekspertët financiarë parashikojnë se në terma afatgjatë, euro do të bjerë edhe më poshtë frangut, përcjell albinfo.ch.

Për shembull, Daniel Kalt, kryeekonomist në UBS, pret një kurs këmbimi prej 97 cent (zvicerane) për një euro.

Ky zhvlerësim i atribuohet kryesisht diferencës së inflacionit midis eurozonës dhe Zvicrës: në prill, inflacioni ishte ende 7 për qind në eurozonë, kundrejt 2.6 për qind në Zvicër. “Nëse kjo diferencë vazhdon për një kohë të gjatë, euro do të vazhdojë të zhvlerësohet,” tha Kalt.

Raiffeisen Bank pret një zhvlerësim edhe më të madh. “Me të gjitha gjasat, kursi i euros do të vazhdojë të bjerë nën barazinë”, sipas ekonomistit të bankës Alexander Koch. “Gjatë vitit, ne kemi një parashikim prej 95 cent. Nëse kjo ndodh, një normë euro nën 1 frang do të bëhet normalja e re.”

 

 

---