Norma e papunësisë në Gjermani rritet për herë të parë në pesë vjet

Rritja vjen një muaj pasi Gjermania mbajti normën më të ulët të papunësisë që nga bashkimi

Shifrat e papunësisë në Gjermani u rritën në maj, për herë të parë në më shumë se pesë vjet, treguan të dhënat zyrtare.

Pesë për qind e njerëzve ishin të pa punë në Gjermani, raportoi Agjencia Federale e Punës, përcjell albinfo.ch.

Në mars dhe prill, shkalla e papunësisë në vend ishte 4.9 për qind – më e ulët që nga Bashkimi më 1990.

Shifrat e majit, shënoi herën e parë që shkalla e papunësisë në Gjermani është rritur që nga nëntori 2013 – kur ajo ishte deri në 6.9 për qind.

Në terma absolutë, numri i të papunëve u rrit me vetëm 7,000 në muajin maj në 2,236,000.

Në prill, Zyra Federale e Auditimit kreu inspektimet e 302 qendrave të punës gjermane, duke gjetur se ishin 30,000 deri në 40,000 më shumë njerëz të papunë se sa ishin raportuar më parë, përcjell tutje albinfo.ch.

Duke parë rajonet e ndryshme të vendit, shkalla e papunësisë për muaj mbetet më e ulët në shtetet jugore të Bavarisë, me 2.7 përqind dhe Baden-Württemberg në 3.1 përqind.

Në krahasim, qyteti verior i Bremenit shënoi nivelin më të lartë kombëtar prej 10 përqind, ndërsa kryeqyteti Berlini erdhi i dyti në 7.8, pak më poshtë nga 8.1 në prill.

---