Noah dhe Mia, emrat më të preferuar nga zviceranët

Te djemtë (mbi 44.650 lindje), tre emrat më të përdorur janë Noah (443), Liam (412) dhe Luca (361). Noah tashmë renditet i pari që nga vitet 2011, 2013 dhe 2014

Një statistikë për emrat e foshnjave në Zvicër vjen çdo vit. Në vitin 2015 çmimi i pati shkuar emrit Noah për djemtë dhe për vajzat Mia, njofton Zyra Federale e Statistikave (ZFS) në një komunikatë.
Te djemtë (mbi 44.650 lindje), tre emrat më të përdorur janë Noah (443), Liam (412) dhe Luca (361), thekson ZFS. Noah tashmë renditet i pari që nga vitet 2011, 2013 dhe 2014.
Te vajzat (41.909 lindje), emri Mia (465) kryeson para emrit Emma (447) dhe Lara (335). Mia ishte në krye gjatë vitit 2013, ndërsa emri Emma kishte fituar zemrën prindërore më 2011, 2012 dhe 2014, tregon ZFS, përcjell albinfo.ch.