Njoftimi nga Ambasada: Kush mund të hyjë në Austri

Ambasada e Kosovës në Vjenë me anë të një njoftimi ka treguar rregullat për shtetasit e Kosovës që duan të shkojnë në Austri

Ambasada e Republikës së Kosovës në Vjenë, ka njoftuar lidhur me Hyrjet/ Daljet në Republikën e Austrisë dhe Republikën e Kosovës, pas masave të reja që ka paralajmëruar Austria për shetetasit nga Ballkani Perëndimor, përcjell Albinfo Austria.

Shtetasit nga Kosova mund të hynë vetëm nëse kanë testin negative, jo më të vjetër se katër ditë, ose të deklarohen se do të shkojnë në karantinë për 14 ditë.

“Qeveria e Republikës së Austrisë me datë 1 korrik 2020 gjatë një konference për media ka marrë vendim si vijon:

– Austria zyrtarisht ka paraljmëruar dhe rekomanduar shtetasit e saj që të mos udhëtojnë në shtetet e Ballkanit Perendimor duke u bazuar në rritjen e numrit të infektuarve me COVID-19.

– Hyrja në shtetin e Austrisë nga Republika e Kosovës mund të ndodhë vetëm me anë të dëshmisë së testit jo më i vjetër se 4 ditë që rezulton të jetë negativ nga COVID-19 ose me deklarim për vetizolim 14 ditë.

– Hyrja në Republikën e Austrisë vlenë vetëm për personat që kanë vendbanim/lejeqëndrim në Austri.

– Kalimi Transit nëpërmjet Austrisë është i mundur vetëm nëse nuk ndalohet në territorin e Republikës së Austrisë.

Hyrja në Republikën e Kosovës:

Aktualisht rregullorja për hyrje në Republikën e Kosovës rekomandon, që çdo qytetar të ketë dëshminë që rezulton negativ nga COVID -19, por kjo dëshmi nuk është e obliguar!

---