Njëri nga të dyshuarit e përfshirë në sherrin me armë në Prishtinë, i kërkuar nga FBI

Faton Ismajli, FB

Një nga të dyshuarit e përfshirë në vrasjen në lokalin në Prishtinë është edhe në arrati. Mësohet se ai është Dukagjin Nikollaj, i kërkuar edhe nga FBI-ja për trafikim narkotikësh, shkruan koha.net.

Nikollaj njihet ndryshe me nofkën “Duka”. Në fletë-kërkimin e FBI-së thuhet se ai për pesë vjet ishte i përfshirë në trafikimin e sasive të mëdha të marihuanës, duke e marrë nga furnizues në Kanada e duke e shpërndarë nëpër New York, përcjell albinfo.ch.

Një person ka vdekur dhe mbi 20 janë lënduar pas të shtënave me armë zjarri pas një mosmarrëveshjeje mes të dyshuarve, katër prej të cilëve janë nën vëzhgimin e Policisë e që gjenden në SHSKUK për t’u trajtuar e një tjetër në arrati, përcjell albinfo.ch.