Njëqindfrangëshe false në Schaffhausen

Në qytetin e Schaffhausen-it është njoftuar sot për paraqitjen e kartmonedhave të falsifikuara të njëqind frangave. Në të vërtetë, me këto kartëmonedha janë bërë një numër pagesash të premten në katër shitore të ndryshme, por rasti është zbuluar sot.

Se paratë e përmendura kanë qenë të falsifikuara është parë vetëm më vonë, në kohën kur personat falsifikues ose ata që kanë blerë me këto kartëmonedha nuk mund të identifikoheshin më. Po ashtu kjo e vështirëson hetimin e mëtejmë rreth tyre.
Policia e Schaffhausen-it u rekomandon atyre që kanë të bëjnë me kartemonedha (kryesisht shitësve) që gjithmonë të shikojnë paraprakisht vërtetësinë e parave që marrin.

Deri më tash policia nuk ka mundur t`u bijë në gjurmë keqbërësve.