Një shtetas rus arrestohet në Leposaviq

Albinfo

Një shtetas rus dyshohet se ka hyrë me veturën e tij ilegalisht në Kosovës. Ai është hasur nga Policia e Kosovës në Leposaviq dhe është arrestuar.

Saktësisht është ndalur në pikën Zernosek në Leposaviq rreth orës 14:00 të së premtes, shkruan Kallxo.com, derisa bëhet e ditur se ka qenë i vetëm.

Qeveria e Kosovës, një vit më herët ka marrë vendim që shtetasit e Federatës Ruse qofshin ata edhe diplomatë nuk mund të hyjnë në Kosovë pa pasur vizë, përcjell albinfo.ch.

Në veri të Kosovës disa herë janë hasur dhe arrestuar shtetas rus të cilët dyshohej se kishin kaluar ilegalisht kufirin.