Një muaj pas zgjedhjeve, certifikohen rezultatet

Sipas rezultateve përfundimtare, koalicioni i Partisë Demokratike, Aleancës për Ardhmërinë e Kosovës dhe Nismës për Kosovën ka fituar 33.74 për qind të votave, Lëvizja Vetëvendosje 27.49 për qind ndërsa koalicioni i Lidhjes Demokratike, Aleancës Kosova e Re dhe Alternativës, ka fituar 25.53 për qind

Gati një muaj pas zgjedhjeve të parakohshme parlamentare, Komisioni Qendror i Zgjedhjeve ka certifikuar rezultatet e votimeve, duke i hapur rrugën procesit të ngritje së institucioneve të reja, raporton albinfo.ch.

Sipas rezultateve përfundimtare, koalicioni i Partisë Demokratike, Aleancës për Ardhmërinë e Kosovës dhe Nismës për Kosovën ka fituar 33.74 për qind të votave, Lëvizja Vetëvendosje 27.49 për qind ndërsa koalicioni i Lidhjes Demokratike, Aleancës Kosova e Re dhe Alternativës, ka fituar 25.53 për qind.

Në bazë të këtyre rezultateve, koalicioni i parë ka 39 vende në parlamentin 120 vendesh, Lëvizja Vetëvendosje ka 32 vende dhe koalicioni LDK-AKR- Alternativa, ka 29 vende. Lista Serbe ka fituar 9 vende nga 10 gjithsej sa i takojnë komunitetit serb.

Pra, nga dita e sotme vendi ka një afat prej tridhjetë ditësh për mbledhjen e parë të parlamentit.