Një muaj paraburgim për të dyshuarin për kanosjen e kryeministrit të Kosovës

Albin Kurti, FB

Gjykata Themelore në Prishtinë ka caktuar masën e paraburgimit prej një muaji për të dyshuarin N.S, për shkak të dyshimit se ka kryer veprën penale “Dhuna ndaj përfaqësuesve së lartë të Republikës së Kosovës”.

“Gjyqtarja e procedurës paraprake ka aprovuar si të bazuar kërkesën e Prokurorisë Speciale të Republikës së Kosovës, për caktimin e masës së paraburgimit kundër të pandehurit N.S dhe të njëjtit i ka caktuar masën e paraburgimit në kohëzgjatje prej 1 (një) muaji”, thuhet në njoftim, përcjell albinfo.ch.

N.S. u arrestua të enjten nën dyshimin se ka kanosur me vrasje kryeministrin Albin Kurti në një postim në Facebook, të cilin e ka përsëritur edhe gjatë një emisioni televiziv në mbrëmje.