Integrimi

Një kosovar dhe një kroat kapen me 2 kg marihuanë

E martë, 19 Janar 2016 - 11:10 albinfo.ch

Policia e Kantonit të Zug-ut ka ndaluar në komunën Baar një makinë në të cilën ka gjetur dy kilogramë drogë të tipit marihuanë.

Aksioni ka ndodhur në mbrëmjen e të mërkurës së kaluar dhe është realizuar në kuadrin e një procedure hetimore që kishte për qëllim kontrollimin e makinës në fjalë, shkruan luzernerezeitung.ch. 

Vlera në treg e marihuanës së kapur me atë rast ka qenë rreth 15 mijë franga.

Dy personat që gjendeshin në makinë, një kosovar 24 dhe një kroat 22 vjeçar, janë arrestuar përkohësisht, bën të ditur policia e Zug-ut. Të dy ata duhet të përgjigjen para Prokurorisë së Zug-ut për shkelje që parashihet në ligjin mbi tregtinë me narkotikë. 

 Të tjera nga Integrimi

Mjeku nga Kosova bëhet shqiptari i parë që publikon punim shkencor në Harvard

 E-Diaspora

 Jeta në Austri