Një i vdekur në përplasjen mes trenit dhe automjetit

Një automjet i ndërtimtarisë, i cili punonte në zonën e vendit në ndërtim në perëndim të Winterthurit u godit nga një tren mallrash. Ka vdekur shoferi i automjetit

Një përplasje treni në stacionin e Winterthur-it (ZH) ka rezultuar me vdekjen e një personi dhe ka shkaktuar shumë shqetësime të martën në mëngjes. Aksidenti ka shkaktuar shumë pengesa në trafikun hekurudhor.

Rreth orës 4:40, të  martën në mëngjes, një automjet i ndërtimtarisë, i cili punonte në zonën e  vendit në ndërtim në perëndim të Winterthurit u godit nga një tren mallrash, bëri të ditur një zëdhënës i SBB/CFF. Shoferi i automjetit të ndërtimit vdiq, ka njoftuar policia kantonale e Cyrihut.

Trafiku hekurudhor është  ndërprerë për disa orë në të gjitha linjat, shpjegon zëdhënësi i SBB/CFF. Megjithatë destinimet  kryesore, ato në nivel nacional kanë filluar të mbahen pa problem, por  trenat  rajonale kanë ende ndërprerje dhe anulime.