Nis linja e fluturimit Prishtinë – Amsterdam

(KEYSTONE/Michael Buholzer)

Në Aeroportin Ndërkombëtar të Prishtinës “Adem Jashari” është përuruar fluturimi i parë për Amsterdam.

E pranishme ishte edhe ambasadorja e Holandës në Kosovë, Karin Boven, që tha se është një lajm shumë i mirë. “Jam shumë e lumtur që po realizohet fluturimi i parë, ju lumtë të gjithëve. Ky është një moment i madh, besoj që pasagjerët do të shfrytëzojnë këtë linjë për të udhëtuat nga të dyja vendet”, tha ambasadorja, raporton Ekonomia Online.

Drejtori i Operimit në aeroportin “Adem Jashari”, Levent Kaylak, tha se planifikojnë të rrisin numrin e fluturimeve. “Ky është fluturimi i parë, ne po planifikojmë të rrisim numrin e fluturimeve. Ne jemi shumë të lumtur. Fluturimet nga Prishtina për në Amsterdam do të jenë dy herë në javë”, tha Kaylak, transmeton albinfo.ch.