Nis “Expo Milano 2015”, panairi më i madh në Evropë

Ekspozita „Expo 2015“ do të jetë e hapur nga 1 maji deri më 31 tetor në Milano. Priten 20 milionë vizitorë. Tema e Expo është “Feeding Planet, Energjia për Jetën”.

Një ndër panairet më prestigjiozët në Europë ka hapur dyert të shtunën për vizitorët për gjashtë muaj.

Pritet që panairi të ketë vizitorë nga e gjithë bota, dhe do të organizohen edhe debate dhe ceremoni të ndryshme, kryesisht lidhur me bujqësinë dhe ushqimin.

Expo Milano 2015 vjen pas një periudhe të gjatë të krizes ekonomike në Itali.

Prezentë ishin më shumë se 20 mijë persona të cilët ndoqën paraqitjen e të madhit Andrea Bocelli dhe pianistit Lang Lang, bashkë me artistë të tjerë të La Scalës.

“Expo Milano 2015” konsiderohet një event mjaft i rëndësishëm që bashkon në një të vetëm gjithçka të bukur të Italisë, për t’ia prezantuar mbarë botës.

Edhe Zvicra është pjesëmarrëse e Expo 2015.

“Expo Universale” zhvillohet nga viti 1851. Është një event i rëndësishëm, i cili organizohet çdo 5 vjet në vende të ndryshme të botës, me tematika të ndryshme.

Shqipëria ka marrë pjesë për herë të parë në vitin 1937 në Ekspo-n e Parisit dhe dy herë të tjera pas viteve ‘90.