Lajme
Nga një muaj paraburgim për 40 të dyshuarit për terrorizëm
Një gjykatë e Prishtinës të mërkurën mori vendim që t’ua shqiptojë 40 të arrestuarve nën dyshimin për terrorizëm, masën e paraburgimit prej një muaji. Lajmin e ka bërë të ditur avokati i njërit nga të akuzuarit, Valon Rreci.
E enjte, 14 Gusht 2014 - 12:39
Në seancën e parë dëgjimore që u mbajt ditë më parë, së paku pesë nga të akuzuarit kanë pranuar se kanë qenë për vizitë në Siri, por kanë mohuar se atje kanë marrë pjesë në luftime dhe në akte terroriste. Po ashtu, edhe të akuzuarit e tjerë kanë mohuar se janë pjesë e organizatave terroriste Al Nusra dhe ISIS.
Ndryshe, siç raporton gazeta “Zëri”, në orët e hershme të mëngjesit të së mërkurës, Policia e Kosovës e ka arrestuar edhe imamin e Xhamisë “El Kudus” në Gjilan, Zekerija Qazimin.
Këtë arrestim e ka konfirmuar edhe Policia e Kosovës nëpërmjet një komunikate për shtyp. “Gjatë zbatimit të urdhërkontrollit, personi i dyshuar Z.Q. nuk ka qenë në shtëpinë e tij, por i njëjti është gjetur nga Policia e Kosovës i fshehur në veturën e tij në një terren malor. Gjatë zbatimit të urdhërkontrolleve, janë sekuestruar edhe dëshmi materiale që ndërlidhen me veprat e lartcekura penale”, thuhet në komunikatën e policisë.
Ndryshe, sipas të dhënave që ka publikuar Prokuroria e Shtetit, si të dyshuar në formë të tentimit, dhe format e ndryshme të bashkëpunimit në krim, që ndërlidhen me terrorizimin nëpër disa prokurori të Kosovës kanë parakaluar rreth 210 persona. Bilanci i luftës ndërfetare në Siri dhe Irak tek shtetasit kosovarë deri më tani numëron 16 persona të vdekur.
E-Diaspora
-
Një buqetë dritash, tingujsh e ngjyrash për Ditën e Flamurit, në Winterthur Manifestimi në Winterthur, i organizuar nga Ansambli “Trojet”, krahas muzikës pati si vlerë të shtuar edhe... -
Haradinaj konfirmon kandidaturën e parë për deputet nga diaspora -
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern
Jeta në Austri
-
“Varg e Vi” me projekt në Vjenë Organizata e Pavarur Kulturore, “Varg e Vi”, në lokalin alternativ për aktivitete kulturore, “7stern”, në Vjenë... -
Policia bastisë shtëpinë e 46 vjeçarit në Austri, zbuluan simbole naziste -
Piloti austriak bën ulje emergjente afër kufirit me Italinë -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë”
