Nga e marta do të njihen patentë shoferët e Maqedonisë në Gjermani

Patentë shoferët e Maqedonisë njihen në Bullgari, Kroaci, Rumani, Slloveni, Belgjikë dhe Austri

Të martën pritet të nënshkruhet njohja e patentë shoferit mes Maqedonisë dhe Gjermanisë.

Një gjë të tillë e ka paralajmëruar edhe zëvendësministri i Punëve të Brendshme, Agim Nuhiu, në rrjetin social “Facebook”.

“Të martën do të nënshkruhet deklarata e përbashkët me Gjermaninë për njohjen reciproke të patentë shoferit!

Nga kjo dite patentë shoferët e Maqedonisë do të njihen në Gjermani!

Qytetarët tanë meritojnë edhe më shumë, kudo që ndodhen ata”, ka shkruar Nuhiu në “Facebook”, përcjell SHENJA.

Në bazë të Konventës së Vjenës për komunikacion rrugor prej vitit 1968, njohja e ndërsjellë e lejeve të vozitjes (B kategori) në Maqedoni është e miratuar me vendet anëtare të Bashkimit Evropian, Bullgari, Kroaci, Romani, Slloveni, Belgjikë dhe Austri, përcjell albinfo.ch.

---