Nga Ballkani, çdo i treti azilkërkues në Gjermani

Shtetasit serbë zënë vendin e parë me numrin më të madh të kërkesave të azilit, gjegjësisht 2548, nga gjithsej 14500 azilkërkues gjatë janarit

Një e treta e kërkesave për azil gjatë janarit në Gjermani vijnë nga shtetas të vendeve të Ballkanit si Serbia, Maqedonia, Bosnja dhe Kosova. Shtetasit serbë zënë vendin e parë nga të gjitha grupacionet me numrin më të madh të kërkesave të azilit, gjegjësisht 2548, nga gjithsej 14500 sa kanë kërkuar azil gjatë muajit të parë të vitit.

Pas serbëve vijnë sirianët me 1734 kërkesa ndërsa më tutje radhiten shtetasit e Afganistanit, Rusisë, Somalisë dhe Eritresë, njofton Enti Federal për Migracion dhe refugjatë i Gjermanisë.

Vetëm gjatë muajit janar enti në fjalë ka marrë vendime për 10655 kërkesa azili, me ç`rast të drejtën për azil ua ka njohur 14631 personave, duke arritur kuotën e njohjes prej 13.8 për qind. Pa status të njohur por tëmbrojtur nga dëbimi ndërkaq janë 758 azilkërkues tjerë.

Me 127.023 kërkesa azili, vii 2013 ka arritur shifrën rekorde për 14 vitet e fundit. Kjo shifër shënon rritje për 45 000 ose rreth 64% në krahasim me vitin paraprak