Nga 1 prilli, taksë shtesë në faturën e energjisë elektrike në Shqipëri

Taksa e pronës do të futet në faturën e rrymës, ka njoftuar ministri i Financave, Arben Ahmetaj. Sipas ministrit, impakti në buxhetet familjare do të jetë minimal për këtë taksë.

Ahmetaj tha se njësitë e pushtetit vendor kanë mundësinë që të reduktojnë deri në 30 % të taksës, e kjo mund të ulë dhe më tej ndikimin në buxhetet familjare.

Qeveria ka menduar të përjashtojë nga taksa e pronës edhe hotelet/resoret me 4 dhe 5 yje, që marrin “status special”, po që do të bëhen me vendim qeverie. Ndërsa nga kjo taks do të shpëtojnë edhe ata që marrin asistencë sociale.