Në Zvicër, sërish më shumë vetura të reja të shitura

Një rritje e tillë, (5%) sipas federatës "Auto-Schweiz" shpjegohet si reaksion i importuesve dhe shitësve ndaj ndryshimit të kursit të frangut kundrejt euros

Zviceranët po tregojnë sërish disponim për të blerë më shumë vetura të reja. Kështu, gjatë katër muajve të parë të këtij viti janë shitur mbi 100 mijë makina, që, në krahasim me periudhën e njëjtë të vitit të kaluar përbën një rritje prej 5 për qind.

Një rritje e tillë, sipas federatës “Auto-Schweiz” shpjegohet si reaksion i importuesve dhe shitësve ndaj ndryshimit të kursit të frangut kundrejt euros, që ka ndodhur nga mesi i janarit të këtij viti.

Pasi që Banka Nacionale e Zvicrës pati hequr dorë nga kursi minimal kundrejt euros, shitësit e automjeteve u kanë ofruar blerësve oferta më të volitshme. Por, me këtë rast ata janë detyruar të ulin marzhën e tyre të fitimit.

Po sipas Auto-Schweiz, forcimi i frangut ka ndikuar në rënien e shitjes së makinave të përdorura dhe shitjes me leasing.