Në Zvicër punojnë mbi 300 mijë punëtorë “ndërkufitarë”

Vitin që shkoi, numri i këtyre punëtorëve ka njohur një rekord, duke arritur për herë të parë shifrën mbi 300 mijë, gjegjësisht 304.117 sish

Zvicra si vend me paga më të larta se shtetet fqinje, në vazhdimësi shërben si magnet për shtetasit e vendeve që e rrethojnë për të punuar këtu, pa ndëruar vendbanimin e tyre. Bëhet fjalë për punëtorët nga zonat kufitare të  vendeve fqinje, cilët punojnë në ndërmarrjet zvicerane.

Vitin që shkoi, numri i këtyre punëtorëve “ndërkufitarë” ka njohur një rekord, duke arritur për herë të parë shifrën mbi 300 mijë, gjegjësisht 304.117 sish. Nga mesi i vitit ishin ende rreth 298.000, bën të ditur Zyra Federale për Statistika (BFS).

Vetëm në kantonin e Tesinës është regjistruar një ulje, prej afër 10 për qind e numrit të këtyre punëtorëve. Por në zonën e Liqenit të Gjenevës në të njëjtën kohë ka pasur një ritje prej 6 për qind. Rritje ka shënuar numri i këtyre “ndërkufitarëve” edhe në regjionin e Cyrihut dhe Zvicrës Qendrore. Marrë në përgjithësi, ritja në nivel vendi gjatë vitit 2015 ka qenë 3.7 për qind.