Në Zvicër kanë hyrë 30% më pak të huaj në periudhën janar-shkurt

Një konstatim të tillë e nxjerr një statistikë që burimin e ka nga Sekretariati Shtetëror për Migracion (SEM)

Ndërkohë që gjithandej debatohet lidhur me zbatimin e Iniciativës kundër migracionit masiv (të votuar në shkurt 2014) fiton në peshë perceptimi se Zvicra, së paku përkohësisht, po e humbet atraktivitetin e vet ekonomik për të huajt.

Një konstatim të tillë e nxjerr një statistikë që burimin e ka nga Sekretariati Shtetëror për Migracion (SEM), shkruan srf.ch. Sipas të dhënave nga zyra e përmendur, në Zvicër gjatë muajve janar-shkurt kanë hyrë 18.251 të huaj, transmeton albinfo.ch Ky është numri efektiv ose absolut i të ardhurve. Mirëpo kur nga ky numër të hiqen 12527 që gjatë po kësaj periudhe kanë lëshuar Zvicrën, del migracioni “neto” në Zvicër ose shtimi që i referohet hyrjes së të huajve ka qenë gjithsej 5724 persona.

Dallimi me periudhën e njëjtë të një viti më parë tregon se bëhet fjalë për një ulje të theksuar, përcjell albinfo.ch. Atëbotë në Zvicër kishin ardhur për dy muaj  19.089 persona dhe kishin shkuar 10.319, gjë që nxjerr një numër neto të të huajve të mbetur në Zvicër prej 8770. Dhe këtu tregohet se numri i të huajve që efektivisht kanë mbetur pe¨r të qëndruar në Zvicër gjatë kësaj periudhe është për një të tretën më i vogël.