Në panairin e librit në Prishtinë, edhe shkrimtarja zvicerane

Ka disa ditë që panairi i 17-të i librit “Prishtina 2015” është duke u mbajtur në Prishtinë. Edhe këtë vit shtëpitë botuese janë përkujdesur për të sjellë libra të shumtë dhe të larmishëm me mbi 1100 tituj të rinj.

Organizatorët vazhdojnë të janë të kënaqur me vizitorët. Ndërkohë në hapësirat e Panairit të librit po qëndron edhe shkrimtarja zvicerane Elizabeth Kaestli, e cila është autore e librit “Shtatë vëllezër, shtatë motra”.

Ky libër i kushtohet familjes Reka nga komuna e Kaçanikut, e cila ka migruar nëpër vende të ndryshme të botës, ndërsa një pjesë e kësaj familje jeton në Zvicër, njofton albinfo.ch.

Elisabeth Kaestli është gazetare dhe shkrimtare e lirë, e cila prej një kohe të gjatë u është përkushtuar shkrimeve mbi dhe për Kosovën.

Panairi i librit “Prishtina 2015” do të jetë i hapur deri më 7 qershor.