Lajme

Në Kuvendin e Suedisë, deputeti Arbër Gashi ka iniciuar një mocion të rëndësishëm

Gashi i ka bërë thirrje Suedisë që në mënyrë aktive të mbështesë anëtarësimin e Kosovës në Këshillin e Evropës

E shtunë, 28 Shtator 2024 - 12:25 albinfo.ch

Bëhet e ditur se një mocion i rëndësishëm është iniciuar nga deputeti Arbër Gashi në Kuvendin e Suedisë, shkruan albinfo.ch.

Gashi i ka bërë thirrje Suedisë që në mënyrë aktive të mbështesë anëtarësimin e Kosovës në Këshillin e Evropës.

Ky është një hap i rëndësishëm drejt integrimit të Kosovës në komunitetin evropian dhe forcimit të përkushtimit të saj për të drejtat e njeriut, demokracinë dhe sundimin e ligjit.

Kosova ka bërë përparim të jashtëzakonshëm që nga shpallja e pavarësisë, dhe tani më shumë se kurrë, populli i saj meriton të njëjtat të drejta dhe mundësi që gëzojnë kombet e tjera evropiane.

Anëtarësimi i Kosovës në Këshillin e Evropës do të ishte një arritje monumentale, duke siguruar më tej vendin e saj në mesin e komunitetit të kombeve që mbrojnë paqen, drejtësinë dhe dinjitetin njerëzor.

Dua të falënderoj deputetin Arbër Gashi për përkushtimin dhe përpjekjet e tij të vazhdueshme për ta nxjerrë në plan të parë këtë çështje vendimtare.

Së bashku, ne mund të sigurohemi që Kosova të marrë mbështetjen që meriton!