Në Klinikën Infektive po trajtohen 9 pacientë me Covid-19

Në Klinikën Infektive në Prishtinë aktualisht janë duke u trajtuar nëntë pacientë të infektuar me pandeminë e koronavirusit, ndërkaq edhe tre pacientë pritet që të shtrohen në këtë Klinikë.

Doktoresha Sadije Avdiu nga Klinika Infektive, tha për Radion Evropa e Lirë se vetëm një paciente është në gjendje më të rënduar shëndetësore.

“Në Klinikën Infektive janë të shtruar 17 raste, prej tyre nëntë pacientë pozitivë me COVID-19. Për tri raste të tjera jemi në pritje që të pranohen në Klinikë. Tri pacientë janë me oksigjenoterapi. Gjendja më e përkeqësuar është e pacientes është pranuar para një jave, e cila është nga Rahoveci dhe që është edhe në dializë. Ajo e ka pak gjendjen më të rënduar”, tha Avdiu.

Në Klinikën Infektive vazhdojnë të marrin trajtim edhe pesë pacientë që kanë rezultuar negativë në testimet e fundit për koronavirus, përcjell Albinfo.ch