Në këtë rast mund të humbisni shtetësinë gjermane

Gjermania ka në plan të heqë shtetësinë gjermane, për ata që luftojnë për një grup militantësh të huaj.

Sipas ligjit gjerman, individët me më shumë se një shtetësi tashmë mund të humbasin shtetësinë e tyre gjermane nëse luftojnë për një ushtri të huaj pa lejen e ministrisë gjermane të mbrojtjes, përcjell albinfo.ch.

Rregulli i ri do të zbatohej vetëm në kushte të rrepta – individi duhet të jetë mbi 18 vjeç dhe të ketë më shumë se një shtetësi, kështu që ai ose ajo nuk do të mbetej pa shtetësi pas humbjes së shtetësisë gjermane, shkruan “The Local”.

Ndryshimi ligjor nuk do të zbatohet në mënyrë retroaktive, që do të thotë se luftëtarët IS të Gjermanisë, të cilët tashmë janë të burgosur nuk do të preken.

Zëdhënësi i kancelares Angela Merkel, Steffen Seibert refuzoi pohimet se

amendamenti do të linte shtetasit e dyfishtë të ndihen si “qytetarë të klasit të dytë”.

Me shkatërrimin e organizatës së Shtetit Islamik, shumë vende evropiane po përballen tani me çështjen urgjente se çfarë të bëjnë me kthimin

e luftëtarëve, përcjell tutje albinfo.ch.