Në Florida vdes një 9 vjeçare nga Covid-19

(KEYSTONE/Salvatore Di Nolfi)

Floria ka regjistruar viktimën më të re nga Covid-19.

Bëhet fjalë për një vajzë 9 vjecare e cila ndërroi jetë pas problemeve shëndetësore të shkaktuara nga virusi.

Një familjar i së të ndjerës, Dejeon Cain, ka bërë të ditur se ajo nuk kishte pasur më herët probleme tjera shëndetësore.

“Ajo ishte gjithmonë e lumtur dhe na bënte të gjithëve të lumtur. Ishte fenomenale”, shtoi Cain për CNN, përcjell albinfo.ch.

Në anën tjetër, familjarët e saj nuk po e dinë se ku dhe si ajo mund të jetë infektuar me COVID-19. Ajo dukej e shëndetshme, dhe pothuajse tërë verën e ka kaluar në shtëpi duke mos shkuar në shkollë apo kampingje.

E ëma e Kimmie ishte testuar për COVID-19, por deri më tani nuk i ka marrë rezultatet, ka njoftuar Cain.

Të dhënat mjekësorë nuk tregojnë se vogëlushja kishte pasur ndonjë kontakt së fundmi me ndonjë të infektuar me COVID-19.