Në cilat shtete mund të udhëtojnë pa viza kosovarët?

Kosova vazhdon të mbetet e “izoluar” nga Europa për shkak të mosliberalizimit të vizave.

Megjithatë, janë disa shtete të botës, në të cilat shtetasit e Kosovës mund të udhëtojnë pa viza, përcjell albinfo.ch.

Në 14 prej tyre, shtetasit e Kosovës mund të hyjnë pa viza, e në 34 shtete të tjera i marrin sapo të mbërrijnë.

Shqipëria, Bregu i Fildishtë, Domenika, Ekuador, Gambia, Haiti, Maqedonia Veriore, Mikronezia, Mali i Zi, Territoret Palestineze, Serbia, Shri Lanka, Turqia, Shën Vinsent dhe Grenandine, janë vendet që ua hapin dyert kosovarëve pa viza.

Ndërkaq, viza në mbërritje iu jepen në Bangladesh, Bolivi, Kamboxhia, Kepi i Gjelbër, Komoret, Kuba, Xhibuti, Etiopi, Gabon, Guinea Bisau, Iran, Xhamajka, Jordani, Laos, Lesoto, Makao, Madagaskar, Maldive, Ishujt Marshall, Mauritania, Mozambik, Nepal, Oman, Palau, Katar, Ruandë, Samoa, Sejcells, Somali, Tanzani, Timori Lindor, Togo, Tuvalu dhe Uganda.

Ndërkaq, për vite me radhë qytetarët e Kosovës po marrin premtime nga krerët e shtetit për liberalizimin e vizave, por një gjë e tillë ende nuk ka ndodhur.