Në cilat pjesë të Zvicrës keni më shumë gjasa të humbni patentën e drejtimit – dhe pse?

Është zyrtare: kantonet frëngjisht-folëse kanë shkallë rekord të konfiskimeve të lejeve të drejtimit. Si shkojnë rajonet e tjera?

Sipas të dhënave të fundit të lëshuara nga Zyra Federale e Rrugëve (OFROU), shoferët në Neuchâtel kryesojnë tabelën kur bëhet fjalë për numrin e konfiskimeve të patentës, ndërsa kantonet gjermanishtfolëse Uri dhe Appenzell Innerrhoden kanë numrin më të ulët të shkeljeve të drejtimit të regjistruar, përcjell albinfo.ch.

Nga 122,000 mbajtësit e një leje drejtimi në Neuchâtel, 2,150 u vendosën një ndalim drejtimi në vitin 2018, viti i fundit për të cilin disponohen statistika. Me 17.6 konfiskime për 1000 shoferë, kjo paraqet shkallën më të lartë në Zvicër.

Për të shpjeguar numrin e lartë të konfiskimeve në Neuchâtel, Philippe, drejtori i shërbimit zyrtar të automobilave të kantonit i tha televizionit RTS se “vendndodhja gjeografike e kantonit çon në një numër më të madh kilometrash të përshkuar nga banorët e tij sesa në kantonet e tjera”.

Kantoni kryesisht rural ndodhet në perëndim të Zvicrës midis liqenit Neuchâtel dhe kufirit francez, përcjell tutje albinfo.ch.

Po kantonet me një përqendrim të lartë ndërkombëtarësh?

Gjeneva, Cyrihu dhe Bazeli shkojnë më mirë se Neuchâtel, me rreth 12.1 konfiskim licence për 1000 shoferë, dhe në Zug ky numër është pak më shumë se 11.

Por Vaud kishte 16.2 konfiskime të mëdha për 1000 shoferë, që mjaftonte për të parë kantonin të renditur i dyti pas Neuchâtel, përcjell tutje albinfo.ch.

Cilat janë arsyet kryesore të pezullimit të licencave?

Në disa kantone, si Fribourg, St. Gallen, Vaud, Gjenevë dhe, po, Neuchâtel, shpejtësia e tepruar qëndronte pas konfiskimeve.

Kufijtë e shpejtësisë janë 120 km në autostradat zvicerane, 50 km në qytete dhe 30 km në zonat shkollore.

Drejtuesit e Fribourg-ut mund të kenë qenë në nxitim, sepse ata mbulojnë distancën më të madhe – 34.2 kilometra në ditë. Por nuk mund të thuhet e njëjta gjë për Gjenevasit, udhëtimet e të cilëve me motor janë ndër më të shkurtrat në Zvicër.

Arsyeja e dytë kryesore pse shoferët humbasin patentën e tyre është, jo çuditërisht, alkooli.

Motoristët në Valais, një nga kantonet më të mëdha të prodhimit të verës në vend, më së shpeshti u sanksionuan për drejtimin e automjetit nën ndikim, duke tejkaluar kufirin prej 0,5 përqind të alkoolit në gjak për shoferët në Zvicër, i cili është në përputhje me shumicën e kombeve të tjera evropiane.

Drejtuesit në Ticino dhe Jura janë përkatësisht në vendin e dytë dhe të tretë.

Ata në Bazel dhe Schwyz, megjithatë, janë më të zellshëm për të ngarë makinën esëll.

Një tjetër studim i kohëve të fundit tregoi se Gjeneva mban rekordin zviceran për frymë për numrin e aksidenteve automobilistike të lidhura me alkoolin, por Valais gjithashtu renditet lart.

---