Në Belgjikë prezantohet tradita e kulinarisë shqiptare

Në Bruksel është zhvilluar panairi “Ditët e Kulinarisë shqiptare në Bruksel” ku u prezantua tradita shqiptare e kulinarisë u prezantua në një aktivitet të veçantë.

Kjo nismë është bashkëpunim i Agjencisë Kombëtarë të Diasporës me “Institutin Kulinar Neranxi”, ndërsa të pranishëm ishin edhe ministri i Shtetit për Diasporën, Pandeli Majko dhe kreu i grupit parlamentar të PS-së, Taulant Balla. “Promovimi i kulturës dhe traditës së kulinarisë shqiptare në Bruksel vazhdon, shkruan Albinfo.ch

E veçanta e këtij aktiviteti është autobusi lëvizës, i cili ishte në sheshin “Place du Luxembourg”, ku edhe u zhvillua aktiviteti”, ka thënë Majko. Përgjatë këtyre dy ditëve të gjithë shqiptarët, por edhe qytetarë të tjerë të Brukselit, kanë mundësinë të shijojnë produktet tipike tradicionale shqiptare.

“Dita e Kulinarisë” përpos promovimit të produkteve dhe recetave shqiptare në Diasporë, si një nga elementet për ruajtjen e identitetit kombëtar, ka për qëllim të nxisë shkëmbimin e kulturave gastronomike dhe bashkëpunimit me kompani të vendit pritës të Diasporës shqiptare.