Në 2030-n, BE e Ballkani të jenë gati për anëtarësim

Presidenti i Këshillit të Bashkimit Evropan, Charles Michel, në Forumin e Bledit në Slloveni është shprehur se vendet e Ballkanit Perëndimor duhet të zgjidhin konfliktet mes tyre deri në 2030 dhe të bëhn gati për anëtarësim.

Sipas Michel, viti 2030 do të duhej të ishte afati deri kur Bashkimi Evropian dhe vendet kandidate për anëtarësim të jenë të gatshme për zgjerim.

Vendet e Ballkanit Perëndimor “duhet të zgjidhin konfliktet e tyre dypalëshe. Nuk ka bashkëpunim pa pajtim. Dhe, të jemi shumë të qartë, nuk ka vend në BE për konfliktet e së kaluarës”, tha Presidenti i Këshillit Evropain, Charles Michel, shkruan DW.

Në Forumin Strategjik në Bled të Sllovenise po marrin pjesë ministrja e Jashtme sllovene, Tanja Fajon, kryeministri i Maqedonisë së Veriut, Kovaçevski, ai shqiptar, Edi Rama, kryeministri i Kosovës, Albin Kurti, dhe kryeministrja serbe, Ana Brnabiq, kryeministri malazez, Abazoviq e të tjerë, përcjell albinfo.ch.