Ndryshimi i ligjit për personat me Vizën F

Qeveria zvicerane ka vendosur për një sërë ndryshimesh të ligjit për azilkërkuesit me lejen (vizën) F, duke përfshirë edhe ndalimin e largimit nga vendi në kohën kur aplikimi i tyre është duke u shqyrtuar.

Të njohur si ‘persona të pranuar përkohësisht’ ose ‘Mbajtës të lejes F’, ata janë individë të cilëve u është shqiptuar vendimi për lëshimin e Zvicrës, por dëbimi i të cilëve është vonuar ose është pezulluar ndryshe.

Personat e pranuar përkohësisht do të lejohen të largohen nga vendi në “rrethana të jashtëzakonshme” në përputhje me rregullat e reja.

Ndalimi i udhëtimit shtrihet në vendin e prejardhjes të personit, si dhe në vendet e tjera.

Ndërsa nuk është dhënë një udhëzues gjithëpërfshirës i asaj që do të vlerësonte “rrethana të jashtëzakonshme”, një shembull i dhënë ishte marrja e dokumenteve të rëndësishme.

Ata që udhëtojnë jashtë vendit mund të ndëshkohen me gjobë ose me një humbje të statusit të pranimit, përcjell tutje albinfo.ch.

Gazeta Zvicerane e lajmeve “20 Minuta” raporton që nëse një person aplikon me sukses përsëri pasi të mbarojë statusi, atyre nuk do t’ju lejohet leja e qëndrimit për së paku dhjetë vjet.

Ndërsa banorët e përkohshëm do të kufizohen të largohen nga Zvicra në rrethana normale, ka pasur liri shtesë të parashikuara për azilkërkuesit sipas rregullave të reja.

Banorët e përkohshëm nuk do të kufizohen më nga lëvizja nga një kanton në tjetrin nëse ata kanë një punë në një kanton tjetër, përcjell tutje albinfo.ch.

Kush janë banorët e përkohshëm ose personat e pranuar përkohësisht?

Personat e pranuar përkohësisht janë ata që posedojnë një Leje F, e cila u lejon atyre të jetojnë në Zvicër.

Përkufizimi sipas qeverisë zvicerane është si më poshtë:

Personat e pranuar përkohësisht janë persona të cilëve u është shqiptuar vendimi për dëbim nga Zvicra, por zbatimi i dëbimit ka rezultuar i papranueshëm (shkelja e ligjit ndërkombëtar), i paarsyeshëm (rreziku specifik për të huajin) ose i pamundur (arsyet e zbatimit).

Pranimi i përkohshëm është pra një masë zëvendësuese. Pranimi i përkohshëm mund të vendoset për 12 muaj dhe zgjatet nga kantoni i qëndrimit për 12 muaj. Autoritetet kantonale mund t’u japin personave të pranuar përkohësisht një leje për të punuar pavarësisht nga puna e tyre ose situata ekonomike.

---