Ndotje e ajrit trefish mbi të lejuarën në disa qytete të Maqedonisë

"Shkupi zyrtarisht është ndër qytetet më të ndotura në botë, dhe masat urgjente duhet të hyjnë në fuqi menjëherë"

Niveli i lartë i ndotjes së ajrit është rikthyer në disa qytete të Maqedonisë.  Stacionet matëse kanë shënuar nivel të lartë të ndotjes Qendër në Karposh, Gazi Babë, Kumanovë, Tetovë e Manastir. Shoqatat ekologjike kërkojnë që Ministria e Ekologjisë t’i fuqizojë masat urgjente të cilat u paralajmëruan javën e kaluar nga ana e Qeverisë.

“E kemi të patjetërsueshme vendosjen e më shumë stacioneve matëse por edhe të matësve mobil. Shkupi zyrtarisht është ndër qytetet më të ndotura në botë, dhe masat urgjente duhet të hyjnë në fuqi menjëherë. Ne jemi në gjendje alarmi në mënyrë konstante, jo vetëm për këto dy ditë”, ka thënë Eli Pesheva nga koalicioni O2.

Ndërsa në Ministrinë e Ambientit janë  arsyetuar se masat nuk janë aktivizuar pasi nuk është regjistruar dy ditë me radhë nivel mesatar i ndotjes mbi 200 mikrogram grimca në metër kub.