“Ndihma për refugjatët” (SFH) kërkon që të mos privilegjohen refugjatët nga Ukraina

SFH kërkon që "gjithçka që ukrainasit tani marrin me statusin e mbrojtjes S" të marrin edhe refugjatët që nuk kanë ardhur nga Evropa"

Zvicra është në gjendje të pranojë deri në 60,000 ose më shumë refugjatë. Kështu thotë Miriam Behrens, drejtoreshë e organizatës mbështetëse për refugjatët “Schweizerische Flüchtlingshilfe” (SFH), transmeton albinfo.ch. Ajo sheh potencial për përmirësim në proceset e përfshira në dhënien e ndihmës sociale për azil.

Këto “ende nuk janë duke funksiononuar në mënyrë të përsosur”, por problemi tani është njohur dhe mund të zgjidhet, tha Behrens në një intervistë për “Tagesanzeiger”. “Por fakti është ky: ndihma sociale e azilit është me të vërtetë shumë e ulët – 40 për qind nën shumën e asistencës së rregullt sociale”. Dhe, kjo është kritikuar prej kohësh nga SFH, thotë Behrens.

Familjet pritëse duhet të kompensohen nga kantoni ose komuna për kostot shtesë të strehimit, ka vazhduar Behrens, transmeton albinfo.ch. SFH u rekomandon kantoneve dhënien e një shume shtesë prej 200 deri në 400 frangash në muaj për ushqim, veshje dhe sende higjienike, si dhe për nevojat e kohës së lirë, që, sipas saj, nuk është shumë.

Behrens gjithashtu e konsideron jashtëzakonisht tronditëse pabarazinë ligjore midis grupeve të ndryshme të refugjatëve. Prandaj, SFH kërkon gjithashtu “gjithçka që ukrainasit tani marrin me statusin e mbrojtjes S”, të marrin edhe refugjatët që nuk kanë ardhur nga Evropa”.

---