Ndeshje speciale për vëllezërit dhe familjen Xhaka

“Në rastin më të mirë, do të duhej që të dy të përjashtohemi qysh në minutën e dytë, po bëj shaka. Është një ndeshje speciale për familjen tonë"

Kampionati Evropian po afrohet, si dhe ndeshja e shumëpritur ndërmjet Zvicrës dhe Shqipërisë. Granit Xhaka do të luajë për Zvicrën, derisa vëllai i madh Taulanti për Shqipërinë. Padyshim se Granit Xhaka mbetet në fokusin e mediave zvicerane, shkruan albinfo.

Graniti ka folur përsëri për këtë ndeshje.

“Në rastin më të mirë, do të duhej që të dy të përjashtohemi qysh në minutën e dytë, po bëj shaka. Është një ndeshje speciale për familjen tonë. Të luajmë njëri kundër tjetrit është gjëja më e fundit që e kemi dashur, ne fëmijët dhe prindërit. Por, nuk mund të ndryshojmë asgjë dhe jemi pajtuar me këtë. Jemi mjaftueshëm profesionistë për ta menaxhuar situatën në fushë. Le të fitojë më i miri”, deklaroi Xhaka për “grenchnertagblatt.ch”.