Ndërpriten kërkimet në Restelicë

Kërkimet nga njësitë për kërkim shpëtim në fshatin Restelicë, për gjetjen e personit të njëmbëdhjetë, i cili ka mbetur nën ortekun e borës, janë ndërprerë në orët e para të mbrëmjes, ka konfirmuar Shemsi Sya nga Forca e Sigurisë së Kosovës. Ai ka thënë se shkak i kësaj ndërprerje ka qenë moti i ligë.

“Është lëshuar një urdhëresë nga Shtabi i Përgjithshëm dhe Komandanti i Forcave të Sigurisë, për tërheqje, për shkak të kushteve të jashtëzakonshme, të cilat mbretërojnë tash në vendin ku po gërmonin ushtarët për gjetjen edhe të viktimës së fundit”, ka thënë Syla. Syla ka theksuar se kërkimet do të rinisin nesër në orën 7 të mëngjesit.