Lajme
Ndërmjetësi i bisedimeve Prishtinë-Beograd, vizitoi veriun e Mitrovicës
Cooper me këtë rast ka vizituar objektet e gjykatave në veri të Mitrovicës si dhe policinë në atë pjesë të Kosovës
Diplomati britanik Robert Cooper, i caktuar nga BE-ja për bisedimet Prishtinë-Beograd, e ka vizituar sot veriun e Mitrovicës me qëllim të njoftimit për së afërmi me problemet me të cilat është duke u përballuar kjo pjesë e Kosovës.
Burime të RTK-së nga veriu kanë bërë të ditur se Cooper me këtë rast ka vizituar objektet e gjykatave në veri të Mitrovicës si dhe policinë në atë pjesë të Kosovës.
Vizita e tij është mbajtur larg vëmendjes së mediave, ndërsa që ka qenë i shoqëruar nga zyrtarë të ICO-së dhe EULEX-it.
Ndryshe Cooper pritet të jetë ndërmjetësi kryesor në bisedimet midis Prishtinës dhe Beogradit dhe do të përfaqësojë shefen e diplomacisë evropiane, Catherine Ashton.
Lidhur me pjesën veriore të Mitrovicës, ministri i Punëve të Brendshme, Bajram Rexhepi ka thënë sot se gjendja në veri paraqet prioritet për të si ministër, meqë situata kërkon një vëmendje të shtuar. “Jemi duke punuar që Policia e Kosovës së bashku me EULEX-in të arrijnë një nivel të lartë bashkëpunimi me qytetarët, në mënyrë që efikasiteti i luftimit të krimit të jetë më i lartë”, ka thënë ministri Rexhepi.
Po ashtu Rexhepi premtoi se Qeveria e re e do të mbështesë Mitrovicën dhe gjithë veriun në të gjitha fushat, në mënyrë që të krijohen kushte për jetë të qetë dhe dinjitoze për të gjithë qytetarët e Kosovës, pa dallim të përkatësisë së tyre etnike.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Influencerja e zhdukur austriake gjendet e vdekur, brenda një valixheje Zbulimi u bë pas dëshmisë së ish-partnerit të saj, i cili tashmë është i dyshuari kryesor... -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit -
A do të punonit në Austri për 2200 euro?











