Ndalohet qarkullimi i automjeteve me targa të vjetra

Në Kosovë nuk do të lëvizin më automjeteve me targa të vjetra serbe dhe të ish-Jugosllavisë

Këtë vendim e ka marrë Ministria e Brendshme e Kosovës, në kuadër të marrëveshjes teknike për lëvizjen e lirë të arritur ndërmjet Prishtinës dhe Beogradit.

Autoritetet e Kosovës kanë  përjashtuar çdo mundësi për shterjen e afatit për përdorimin e targave dhe janë të vendosura që të konfiskojnë makinat të cilat kapen me targat e vjetra me shenjat KM, PR, GL, dhe qyteteve tjera, të lëshuara më parë nga autoritetet serbe.

Nga ana tjetër EULEX nuk është deklaruar se çfarë do të ndërmarrë lidhur me respektimin e këtij vendimi, sidomos për makinat e serbëve që hyjnë në vendkalimet në pjesën veriore të Kosovës.

Serbët kosovarë janë të obliguar që t’i ndërrojnë këto targa me targa të reja të Kosovës, qofshin ato RKS apo KS.

Afati fillestar për regjistrimin e automjeteve ka qenë 31 dhjetori, por, për shkak të nevojave në terren, është zgjatur disa herë.