Myftiu i Kosovës, Naim Tërnava, i cili kohën e fundit është apostrofuar si kleriku që mbështete radikalizmin islam, ka dal të ketë kopjuar edhe temën e magjistraturës. Kështu të paktën raporton Rrjeti transnacional i dijetarëve i quajtur Qendra e Pluralizmit Islam (CIP) me seli në Uashington.
 
CIP, siç raporton e përditshmja “Koha Ditore” ka zbuluar që myftiu i Kosovës, Naim Tërnava, ka vjedhur pronën intelektuale të tjetërkujt.

Sipas CIP, i pari aktual i BIK, Naim Tërnava, tezën e tij të magjistraturës e ka kopjuar nga disertacioni i doktoraturës i predikuesit islam, Zia Abdullah, me titull “Efekti i Akides Myslimane në Udhëzimet sesi Duhet Sjellë”, dhe është miratuar më 1997-1998, nga Universiteti i Zaytuna’s, në Tunis.

Në web-faqen e CIP, pjesë e cilës janë shumë ligjërues, shkrimtarë, gazetarë, dijetarë sofistë, etj, thuhet se, punimi i magjistraturës i kryeimamit të Bashkësisë Islame të Kosovës (BIK) “ka disa pasuese plotësisht identike me disertacionin e doktoraturës së Abdullahu’t, por pa e cituar” punën e këtij të fundit.
 
“Tërnava përfshinë materiale si të ishte autor i tyre, bashkë me fusnotat të cilat iu referohen autorëve të hershëm, edhe pse ato janë përmendur edhe nga Abdullah”, thuhet në kumtesën e CIP.

Duke u bazuar në një analizë të plotë dhe në një gjykim të paanshëm, Qenda e Pluralizmit Islam deklaron që këto zbulime tregojnë se Naim Tërnava definitivisht ka bërë një shkelje serioze të plagjiaturës akademike.

 

Njoftimi i CIP për kopjimin e një pjese të mirë të tezës së magjistraturës nga ana e Tërnavës publikohet në kohën kur këtij të fundit po i skadon mandati i tij i dytë në krye të BIK-ut, dhe pasi që myftiu aktual i Kosovës ka shfaqur apetite që rikandidohet për këtë post.
 
Madje, për këtë qëllim supozohet se muajin e kaluar është ndryshuar edhe Kushtetuta e BIK-ut dhe është zëvendësuar kryetari i Kuvendit të këtij institucioni fetar, Xhabir Hamiti. Paraprakisht Hamiti kishte bërë publik synimin e tij për të kandiduar për myfti të ri të Kosovës.

Naim Trrënava ka tetë vjet që është në krye të BIK-ut, ndërsa gjatë kësaj periudhe kanë ndodhur dhjetëra incident ndërmjet klerikëve islamë, kurse Muftiu nuk është deklaruar asnjëherë. Madje shumë klerikë që e mbështesin islamin tradicional e akuzojnë atë, si kleriku që mbështet Wehabizmin.