Mustafa: Askush s’mund ta trashëgojë rrugën që na e ka lënë presidenti Rugova

Pas homazheve tek varri i ish-presidentit të Kosovës, Ibrahim Rugova, kryetari i Lidhjes Demokratike të Kosovës, Isa Mustafa tha se askush nuk mund ta trashëgojë rrugën që ua ka lënë presidenti, Ibrahim Rugova.

“Jam këtu po ashtu që të shpreh qëndrimin dhe përkushtimin e LDK-së që ta ndjekim rrugën që na e ka lënë trashëgimi presidenti, Ibrahim Rugova e askush s’mund ta trashëgoj këtë rrugë pos LDK-së e atyre që punojnë dhe veprojnë që vepra  e tij të bëhet vepër e përhershme në Kosovë dhe jashtë saj”, ka thënë Mustafa.

Ai po ashtu tha se LDK-ja dhe Kosova e ndjejnë mungesën e figurës historike të presidentit, Ibrahim Rugova.

“T’i bëjmë nderime presidentit historik Ibrahim Rugova në 15 vjetorin e  shkuarjes së tij në amshim. Edhe LDK si krejt Kosova e ndjejmë mungesën e një figure historike e cila dha kontribut të veçantë dhe të pariparueshëm për lirinë dhe demokracinë e Kosovës”, ka thënë ndër të tjera Mustafa.