Muriqi vlen 100 milionë euro

Turqit janë të impresionuar me formën e treguar nga Vedat Muriqi në Superligën e Turqisë

Vedat Muriqi është duke shkëlqyer në kampionatin turk, duke shënuar pothuajse në çdo javë.

Ai po shkëlqen në Fenerbahçe dhe kjo ka bërë që shumë skuadra të interesohen për shërbimet e sulmuesit nga Prizreni, përcjell albinfo.ch.

Muriqi nuk po shkëlqen vetëm në kampionatin turk, por edhe me Kosovën, derisa së fundi shënoi një super gol në fitoren e Fenerbahçes kundër Konyasporit me rezultat 5:1.

“Ne nuk mund të ishim në një hap me shpejtësinë e golave sot. Vedati e ka shënuar njërën ndër golat më të bukura që e kam parë ndonjëherë. Tifozët mund të mos duan të largohen nga stadiumi sot. Ndërkohë, Vedat Muriqi vlen 100 milionë euro”, shkroi gazetari turk Sercan Hamzaoglu.

“Muriqi është sulmuesi më i mirë në ligë, kjo s’është as e debatueshme. Bisha kosovare”, shkroi Aaron E Armstrong.

“Vedat Muriqi ka shënuar në të gjitha ndeshjet që Fenerbahce i ka fituar në këtë sezon të Superligës (5 gola, 5 fitore). Ndikues”, shkroi @OptaCan.

“Vedat Muriqi është i madh. Ky lojtar është i jashtëzakonshëm, është i mrekullueshëm”, shkroi @TurcFootball.

 

---