MPJD e Kosovës u dërgon notë verbale vendeve të BE-së

Foto FB: Miroslav Lajčák

Ministria e Punëve të Jashtme dhe Diasporës e Kosovës u ka dërguar notë verbale shteteve anëtare të Bashkimit Evropian për dialogun Kosovë-Serbi përmes ambasadave të saj.

MPJD-ja ka bërë me dije se kjo notë verbale përmban qëndrimin e saj për zhvillimet në procesin e dialogut.

“Ju njoftojmë se Ministria e Punëve të Jashtme dhe Diasporës, përmes ambasadave të Republikës së Kosovës ka përcjellë me notë verbale qëndrimin e saj lidhur me zhvillimet e fundit në procesin e dialogut në mes Republikës së Kosovës dhe Serbisë”, thuhet në përgjigjen e MPJ-së për koha.net.

Nga ministra nuk japin detaje për përmbajtjen, por thonë se “korrespodencat e tilla janë komunikim standard diplomatik, përmbajtjen e të cilave nuk e komentojmë”.

Mësohet se është shprehur kundërshtim dhe kritika serioze ndaj të dërguarit të posaçëm të BE-së për dialogun ndërmjet Kosovës dhe Serbisë, Miroslav Lajçak, përcjell albinfo.ch.