Motive nga fshati: Rugova “zhytet” në ngjyrat e bukura vjeshtore

Vjeshta në Rugovë

Vjeshta është sezon frymëzues, është stina ku natyra bie në gjumë dhe na dhuron ngjyra të bukura, për ta parë dhe shijuar këtë kohë të veçantë viti, shkruan albinfo.ch.

E për të shijuar më shumë natyrën vjeshtore, nuk ka se si mos të jenë Bjeshkët e Rugovës. ku mund të përjetoni përvoja të paharrueshme mes ajrit të pastër karshi natyrës magjepse të zhytura me ngjyrat vjeshtore. Sidomos në këtë kohë pandemie, ku njerëzit këtë sezon mund të organizojnë shëtitje të tilla natyrore që nuk do të harrohen kurrë dhe do të mbeten gjatë në kujtesen tuaj.

Vlen të theksohet se Rugova është një rajon malor që ndodhet në veri-perëndim të qytetit të Pejës, në Kosovë. Është rajoni i tretë i Bjeshkëve të Nemuna dhe është e njohur edhe si Alpet Shqiptare. Më 2013 ajo u shpall si Park Kombëtar.

Albinfo.ch kësaj radhe do të ndalet tek motivet nga fshati. Velja e kashtave në stinën e vjeshtës, sigurim i ushqimit për kafshët gjatë dimrit është ideale në këtë stinë.

Fshatarët e këtij vendi kujdesen gjatë këtij sezoni të bëjnë rezervat e ushqimit për kafshë gjatë sezonit të dimrit.

 

 

---