Mosha mesatare e nënave, gjithnjë më e lartë

Afër një e treta e nënave zvicerane gjatë vitit të kaluar kanë qenë në moshën mbi 35 vjeçare.

Femrat në Zvicër e shtyjnë gjithnjë më larg moshën për të lindur fëmijën e tyre të parë. Sipas Entit Federal të Statistikave (BFS) afër një e treta e nënave zvicerane gjatë vitit të kaluar kanë qenë në moshën mbi 35 vjeçare. Në vitin 2001 kjo kategori përbënte 22 për qind, që krahasuar me 30 për qind sa ka qenë në viti  2012 paraqet një ndryshim të madh, shkruan nzz.ch.

Po ashtu është rritur mosha e nenave që lindin për herë ë parë. Në vitin 2001 mosha e mesatare e nënave me fëmijën e parë të lindur ka qenë 28.9 vjet ndërsa në vitin 2012, ajo është ngjitur në 30.4 vjet.

Në 38 për qind të lindjeve gratë kanë qenë të moshave 30 deri 34 vjeçare. Ndërsa gratë në mes 25 dhe 30 vjeçe në vitin 2012 kanë lindur 3 % më pak fëmijë se në vitin 2001. Por dallimi më i madh është te femrat e moshave nen 25 vjeçare. Te ato, gjatë dhjetë viteve në shqyrtim shkalla e lindjeve është zvogëluar për 18%, njofton BFS.