Shqipëria
“Mos ejani në Belgjikë për të kërkuar azil”
“Belgjika mirëpret ata shqiptarë që vijnë sipas rregullave për të punuar, studiuar dhe turizëm, por ne nuk pranojmë shqiptarë që nuk respektojnë ligjet tona të migracionit”, u shpreh Sekretari për Azilin dhe Migracionin në Belgjikë, Theo Francken
“Belgjika nuk është vendi i ‘arit’ ku mund të gjeni çfarëdo lloj gjeje që të kërkoni, prandaj mos ejani në Belgjikë për të kërkuar azil pasi nuk do ta merrni atë”, tha Sekretari për Azilin dhe Migracionin në Belgjikë, Theo Francken gjatë vizitës treditore në Tiranë.
Francken tha se shqiptarët duhet të informohen mirë para se të shkojnë në Belgjikë, në të kundërt do të kthehen mbrapsht brenda 24 orëve, përcjell albinfo.ch.
“Unë kam ardhur në Shqipëri për të trajtuar së bashku me autoritetet shqiptare çështjen e migracionit të paligjshëm nga Shqipëria në Belgjikë dhe për t’i dhënë të gjithë qytetarëve shqiptarë një paralajmërim të fortë sa i përket migracionit të paligjshëm, që emigracioni i paligjshëm në Belgjikë nuk është absolutisht një opsion. Unë kam një mesazh për të gjithë qytetarët shqiptarë: ju lutem, informohuni para se të vini në Belgjikë, para se të hyni në zonën Schengen”, ka thënë ai.
“Ne kemi nisur një fushatë njoftimesh, Shqipëria me Holandën… kjo është shumë e rëndësishme, është një flyer (fletë-palosje) e cila u jepet shumë shqiptarëve në aeroporte, në kufij, lexojeni, kontrolloni veten tuaj, dhe aplikojeni këtë. Sepse nëse nuk e bëni këtë, ne nuk ju lëmë që të hyni në Belgjikë. Dhe ne do t’ju kthejmë brenda 24 orëve. Po ashtu ne kemi marrë masa që njerëzit të mos arrijnë ta shpërdorojnë sistemin tonë të azilkërkimit. Ky ka qenë procesi që është ndjekur vitin e shkuar kur ne kemi kthyer në Shqipëri 678 qytetarë shqiptarë”, shtoi tutje ai, duke vazhduar:
“Për ne Shqipëria është një vend i sigurt, që do të thotë që qytetarëve shqiptarë nuk u jepet azil në Belgjikë. Shqipëria qëndron në pesë vendet e para për kërkesa të azilit në Belgjikë. Belgjika mirëpret ata shqiptarë që vijnë sipas rregullave për të punuar, studiuar dhe turizëm, por ne nuk pranojmë shqiptarë që nuk respektojnë ligjet tona të migracionit”.
Sipas të dhënave nga Eurostat kërkesa për azil në vitin 2017 u ul me 24 për qind. Ndërsa në 3 muajt e parë të vitit 2018 iu është refuzuar dalja rreth 5,400 shtetasve shqiptarë për mungesë dokumentacioni.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik