Moody’s rikthen vlerësimin për ekonominë gjermane në “AAA”

Përveç Gjermanisë, "Moody" ka rritur normën kreditore edhe për Austrinë dhe Luksemburgun, duke i vlerësuar po ashtu me "AAA"

Agjencia Ndërkombëtare e Vlerësimit “Moody’s” mbrëmë ka  konfirmuar  vlerësimin   kreditor  “AAA”  për Gjermaninë, duke ngritur perspektivën nga  “negative ” në ” të qëndrueshme” për  shkak të përmirësimit të gjendjes në eurozonë.

Është zvogëluar rreziku që Gjermania të jetë e detyruar për të marrë pjesë në një plan shpëtimi në eurozonë, tha në një deklaratë agjencia ndërkombëtare e vlerësimit. Përveç kësaj, Gjermania ka bërë shumë në konsolidimin e financave publike .

Përveç Gjermanisë, “Moody” ka rritur normën kreditore edhe për Austrinë dhe Luksemburgun, duke u dhënë vlerësimin e  perspektivës  në të “qëndrueshëm”  nga vlerësimi  “negativ” dhe duke e siguruar kështu vlerësimin  “AAA”.

Ministri i austriak i financave,  Michael Spindelegger ka  reaguar  me kënaqësi , duke vënë në dukje se vendi i tij është në rrugën e duhur. Agjencitë e vlerësimit më parë kishin rezerva për Austrinë për shkak të rrezikut nga ana e ish-bankës së Bavarisë  “LB”, Hypo Alpe Adria.