Montella falënderon Shkëndijën për mikpritje

“Falënderoj qytetin për mikpritje. Shoh që këtu ka shumë milanistë. Ne duhet të rritemi në mentalitet dhe të tregojmë ndaj Shkëndijës rritje të vazhdueshme”, është shprehur Montella

Sonte do të zhvillohet një ndeshje e madhe, ku Shkëndija e pret Milanin në kuadër të Ligës së Evropës. Takimi i parë kishte përfunduar 6:0 për skuadrën italiane, raporton albinfo.ch.

Ndeshja e sotme pritet të jetë festë, edhe pse është e ditur se Milani pritet tyë kalojë tutje. Por, trajneri italian Vincenzo Montella ka falënderuar Shkëndijën për mikpritje. “Ata paguan emocionet e të luajturit në një stadium gjigant dhe jam i bindur se për ne do të jetë një ndeshje e vështirë sepse ata duan të vënë në vend nderin e tyre. Falënderoj qytetin për mikpritje. Shoh që këtu ka shumë milanistë. Ne duhet të rritemi në mentalitet dhe të tregojmë ndaj Shkëndijës rritje të vazhdueshme”, është shprehur Montella.

Milan pritet që sonte t’iu japë hapësirë disa lojtarëve të rinj. Montella ka thënë se do të mundohen të fitojnë Ligën e Evropës.