Misioni Katolik Shqiptar në Lucern nderon 400-vjetorin e lindjes së Pjetër Bogdanit

Veprimtaria do të zhvillohet më 22 nëntor 2025, ditë e shtunë, në Centro Papa Giovanni, Seetalstrasse 16, 6020 Emmen, duke filluar nga ora 18:00

Në kuadër të edicionit të tretë të programit kulturor “Gjurmëve të rrënjëve tona”, Misioni Katolik Shqiptar Lucern në bashkëpunim me Shoqatën Humanitare “Nënë Tereza” organizojnë një mbrëmje kulturore kushtuar 400-vjetorit të lindjes së Imzot Pjetër Bogdanit, një prej figurave më të ndritura të historisë dhe kulturës shqiptare.

Veprimtaria do të zhvillohet më 22 nëntor 2025, ditë e shtunë, në Centro Papa Giovanni, Seetalstrasse 16, 6020 Emmen, duke filluar nga ora 18:00.

Në këtë mbrëmje përkujtimore do të marrin pjesë prof. dr. Elena Kocaqi, pater Ndue Kajtazi, si dhe artistët Besiana Qani Mehmeti, Shkodran Tolaj, Ermira Lefort si dhe ansambli “Shqiponja”, përmes një programi që bashkon fjalën, muzikën dhe vallen shqiptare.

Në fund të aktivitetit, të pranishmit do të kenë mundësinë të vizitojnë ekspozitën e librave dhe pikturave, si dhe të marrin pjesë në aperitivin shoqërues, nën tingujt e muzikës shqiptare me Besianën, Shkodranin dhe instrumentistin Gezim Demaj.

Të gjithë janë të mirëpritur në këtë mbrëmje kulturore në nder të Imzot Pjetër Bogdanit — autorit të “Çetës së Profetëve” dhe humanistit të madh të rilindjes shpirtërore shqiptare.

 

 

---