“Mis katastrofa” fiton urrejtjen e njujorkasve

Një modele braziliane është përballur me urrejtjen e opinionit, sidomos atij amerikan, pasi që ka shfrytëzuar gjendjen e krijuar në Nju Jork pas katastrofës së shkaktuar nga stuhia “Sandy” për tu fotografuar në poza provokuese.

Mbi gërmadhat e lëna nga stuhia, modelja Nana Goueva është fotografuar vetëm një ditë pas stuhiesë, nga bashkëshorti i saj, fotografi Carlos Keyes dhe ka tronditur njujorkasit. Guoeva buzëqesh para kamerës nga drurët e rrëzuar dhe nga automobilët e shkatërruar.

Dhe, fotografitë e saj aterrojnë në profilin e saj të facebook-ut. Nuk kalon shumë dhe Goueva duhet të përballet me urrejtjen e publikut. Shumë vizitorë të internetit tashmë, përmes fotoshopit, e kanë vendosur modelen braziliane para kulisave të tragjedive të mëhershme njerëzore, si “Goueva në Hiroshima”, “Goueva në Titanik” etj.

Por, vetë modelja nuk ndjen ndonjë brejtje ndërgjegje. Në një intervistë për revistën spanjolle “Ego” ajo thotë: “fotografitë më duken shumë të këndshme”. Ajo thotë se nuk ka dashur që “ta seksualizojë katastrofën”. “Në fotografi jam e veshur”, thotë ajo.

Po ashtu shton se ky ka qenë qëndrimi i saj i parë në Nju Jork, ku kohën më të gjatë e ka kaluar në shtrat, gjë që e ka afruar më shumë me bashkëshortin. Por, “Miss katastrofa”, siç e qaunë tashmë Gouevan, nuk shpenzon asnjë fjalë për rreth 100 viktimat që ka shkaktuar “sandy” gjatë kohës së muajit të saj të mjaltit” në Nju Jork.