Mirësjellja zvicerane në tren: A është ky vend i lirë?

Mit apo fakt - Zakonet e udhëtimit në Zvicër: Pse udhëtarët pyesin A është ky vend i lirë?

Në Zvicër, edhe një gjest i vogël mund të tregojë shumë për kulturën dhe rregullin që e karakterizon këtë vend. Një nga shembujt më interesantë është zakoni që udhëtarët të pyesin: A është ky vend i lirë?përpara se të ulen në tren, përcjell albinfo.ch.

Ky veprim, ndonëse nuk është rregull i shkruar, konsiderohet shenjë respekti dhe mirësjelljeje ndaj tjerëve. Zakonisht praktikohet më shumë në trenat e distancave të gjata, ku njerëzit udhëtojnë më gjatë dhe dëshirojnë të ruajnë një atmosferë të qetë e të respektueshme.

Megjithatë, në trenat e ngarkuar të orëve të pikut, shumë udhëtarë thjesht ulen pa pyetur, duke e bërë këtë zakon më fleksibël në varësi të situatës.

Në një shoqëri ku rendi dhe respekti janë pjesë e përditshmërisë, kjo pyetje e thjeshtë mbetet një simbol i kulturës së mirësjelljes zvicerane një mënyrë e vogël për të treguar kujdes ndaj të tjerëve dhe për të ruajtur harmoninë në hapësirat publike. /Albinfo.ch

---