Ministri i Shëndetësisë: ‘Nëse Gjermania hapet tani, ne do të rrënojmë suksesin tonë’

(KEYSTONE/DPA/Kay Nietfeld)

Ministri gjerman i Shëndetësisë Jens Spahn ka mbrojtur mbylljet e kufijve dhe ka paralajmëruar kundër relaksimit të masave Covid-19 në luftën kundër virusit dhe varianteve.

Në një konferencë shtypi të premten Spahn tha se numri i infeksioneve në Gjermani në rënie ishte një shenjë “inkurajuese”.

“Por, ata nuk kanë rënë ende aq sa ne të jemi në gjendje t’i relaksojmë masat tani”, shtoi ai.

Kancelarja Angela Merkel dhe udhëheqësit e shtetit të mërkurën zgjatën mbylljen e Covid-19 deri të paktën 7 mars – me disa përjashtime.

Spahn vuri në dukje se masat e marra për të luftuar virusin ishin gjithashtu efektive kundër mutacioneve të tij.

Ministri i Shëndetësisë tha se ai priste që numri i rasteve të koronavirusit për 100,000 banorë në një periudhë prej shtatë ditësh (incidencë 7-ditore) të bjerë poshtë numrit 60 së shpejti. Të premten, incidenca 7-ditore ishte rreth 62, përcjell albinfo.ch