Ministri Burkhalter shpallet “Zvicerani i Vitit” në SwissAwards

Zgjedhja është bërë nga publiku, me votim. Më së shumti vota, 46 për qind, i ka fituar ministri Burkhalter, i cili ka qenë edhe president i federatës gjatë vitit 2014

Ministri i puneve të jashtmei Zvicrës, Didier Burkhalter, i cili gjatë vitit 2014 ka ushtruar edhe funksionin e  presidentit të vendit, është shpallur “Zvicerani i Vitit”.

Radiotelevizioni i Zvicrës për të 13-tën herë me radhë ka ndarë çmimin “SwissAwards” në një spektakël me pjesëmarrje të një publiku të zgjedhur. Zgjedhja është bërë nga publiku, me votim. Më së shumti vota, 46 për qind, i ka fituar ministri Burkhalter. Në vendin e dytë, me 8.24% të votave, publiku e ka radhitur Beatrice Egli dhe në të tretin, me 7.34, Sabine Hediger.

Në fjalën e tij të falënderimit, Burkhalter ka falënderuar bashkëpunëtorët e tij në ministri dhe në veçanti bashkëshorten e tij për mbështetjen e dhënë-

Është hera e dytë që çmimi për zviceranin e vitit shkon në duart e një ministri federal. Herën e parë atë e pati fituar ministrja Eveline Widmer-Schlumpf.

Çmimin për vepër jetësore e ka fituar në mënyrë post-hume këngëtari Udo Jürgens, i cili ka vdekur rreth dy javë më parë.